Vestfjarðarmót í lengri vegalengd

Mynd tekin af Guðmundi Ágústssyni

Hið árlega Vestfjarðamót í lengri vegalengd verður haldið upp á Seljalandsdal, laugardaginn 23.febrúar

Ræst verður af stað kl. 12:00 og er um hópstart að ræða.

Skráning á staðnum lýkur kl. 11:15

13-14 ára ganga   7 km.

15-16 ára ganga  10 km.

17+ konur ganga 20 km.

17+ karlar ganga 30 km.

Göngustjóri er Herra Einar Ágúst Yngvason, WL Goldmaster

SFÍ mót í stórsvigi

Í dag laugardag fór fram SFÍ mót í stórsvigi. Veðrið var ögn hryssingslegt en keppendur létu sér það í léttu rúmi liggja. Raunar tóku lika þátt í mótinu hressir og hraustir göngukrakkar og var því mikið fjör í brekkunum. Krakkarnir eru þessa helgina öll saman í útilegu í skíðaskálanum í Tungudal. Úrslit má sjá undir alpagreinar hér til vinstir. Benni Hermanns var í fjallinu og tók myndir.

Úrslit úr SFÍ göngunni

Því miður þá hefur komið í ljós að úrslit úr SFÍ göngunni eru ekki rétt. Vegna tæknilegra bilunar þá getum við ekki birt neina tíma. Beðist er velvirðingar á þessu.

Thelma Rut gerir það gott í Noregi

Thelma Rut Jóhannsdóttir hefur að undanförnu dvalið í Noregi við æfingar og keppni með landsliði SKÍ.  Hópurinn fór utan 29. janúar síðastliðinn og var til að byrja með við æfingar í Kongsberg og Drammen við góðar aðstæður. Thelma hefur tekið þátt í fimm mótum og bætti punktastöðu sína í stórsvigi stórkostlega mikið. Svokallaðir FIS punktar eru mælikvarði á stöðu skíðamanns á heimslista alþjóða skíðasambandsins (FIS). Thelma náði nú í sínu besta móti, 57.34 punktum en hún er með 86.56 FIS punkta á núgildandi heimslista. 

Úrslit úr Leggjar og Skeljarmótinu

Nú eru komin úrslit úr Leggjar og Skeljarmótinu sem haldið var í frábæru veðri á Seljalandsdal 5.febrúar.

Við biðjumst velvirðingar á hve seint úrslit birtast hér á síðunni.

Úrslit eru undir dálknum ´Ganga´ hér til vinstri