Á dögunum var undirritaður samningur milli Íslandsbanka og Skíðafélags Ísfirðinga um fjárstyrk. Íslandsbanki hefur verið einn stærsti styrktaraðili félagsins undanfarin ár og er það félaginu mikilvægt að svo verði áfram.
Nánar
Í dag, laugardag, var seinni ferðin í stórsvigi kvenna á heimsmeistaramótinu í Roccaraso á Ítalíu. Aðeins tvær af íslensku stúlkunum fjórum luku keppni. Það voru þær Helga María Vilhjálmsdóttir sem lenti í 59. sæti og Thelma Rut Jóhannsdóttir sem varð í 63. sæti. Það er nokkuð góður árangur þar sem skráðir keppendur voru 111 frá 44 löndum. Allar stúlkurnar hafa nú lokið keppni nema Helga María sem á eftir að keppa í risasvigi og bruni.
NánarTíðindamaður snjor.is náði tali af Thelmu Rut í kvöld. Hún keppir fyrri ferð stórsvigsins á morgun föstudag og seinni ferðina á laugardag. Hún hefur því miður verið slöpp en ætlar ekki að láta það aftra sér frá keppni. Aðstæður í Roccaraso eru ekki alveg upp á það besta, hlýindi og eftir því blautur snjór. En stelpurnar sem þarna eru njóta lífsins og nota tækifærið til að sóla sig í ítölsku vorsólinni.
NánarÍ dag var heimsmeistarmót unglinga í alpagreinum sett í Roccarasso á Ítalíu. Keppni hefst á morgun, 1. mars og stendur til 9. mars. Thelma Rut Jóhannsdóttir keppir í stórsvigi, líklega laugardaginn 3. mars. Annar ísfirskættaður keppandi keppir í öllum fjórum greinunum, það er Helga María Vilhjálmsdóttir, dóttir Vilhjálms Ólafssonar (Vilhjálmssonar). Í dag hittu þær stöllur ekki minni mann en gömlu kempuna Alberto Tomba sem gistir á sama hóteli og Íslendingarnir. Skíðafélagið óskar íslensku keppendunum öllum góðs gengis á mótinu.
NánarÍþróttamaður Ísafjarðarbæjar, Thelma Rut Jóhannsdóttir, sigraði tvöfalt á þorramótinu sem fram fór á Ísafirði um helgina. Mótið var í senn bikarmót og FIS mót og var keppt í svigi bæði laugardag og sunnudag. Thelma sigraði í flokki 15-16 ára stúlkna báða dagana. Þá varð hún í 3. sæti í heildarkeppninni báða dagana.
Nánar