Keppnistímabilið er hafið!

Íslenska landsliðið tók þátt í alþjóðlegi móti í Gallivare í Sviþjóð um liðna helgi. Skíðafélag Ísfirðinga átti þar tvo fulltrúa en Dagur Benediktsson A-landsliði stóð sig frábærlega í 10km göngu með frjálsri aðferð og endaði í 31.sæti með 89.57 FIS punkta. Þessi úrslit voru þau bestu hjá honum en hann var 2sek á eftir Jens Burman og 9sek á eftir Calle Halfvarsson. Jens Burman er í sænska landsliðinu og Calle hefur verið þar áður.  Ástmar Helgi Kristinsson stóð sig einnig vel og endaði í 154.sæti.   Einar Árni Gíslason sem má segja að sé Akureyringur/Ísfirðingur varð 84. í sömu göngu.  Ástmar og Einar Árni eru í B- landsliði Íslands og Einar Árni keppir fyrir Skíðafélag Akureyrar

Á föstudeginum kepptu strákarnir einnig í undankeppni fyrir Sprettgöngu þar sem Dagur Benediktsson varð 89., Einar Árni 96. og Ástmar Helgi 125. Þeir komust ekki áfram í úrslitin.

Frábær helgi hjá strákunum!

Fyrir rúmri viku síðan þá kepptu þeir allir í Olos í Finnlandi. Þar var helst að frétta að Dagur átti frábæra göngu í 10km göngu með hefðbundinni aðferð og endaði í 50.sæti, fékk 69.79 FIS punkta og bætti sig því töluvert.  Ástmar Helgi var í 111.sæti í sömu göngu. 

Í sprettgöngu á föstudeginum endaði Dagur í 51.sæti og bætti FIS stigin sín og Ástmar endaði í 72.sæti.

Á sunnudeginum átti Dagur mjög góða göngu. Hann vann sig upp listann jafnt og þétt og endaði í 40 sæti af 149 og fékk 102 FIS stig. 

Frábær byrjun á tímabilinu og ljóst er að undirbúningstímabilið hefur gengið vel hjá strákunum! 

Dagur Benediktsson er á fullu að undirbúa sig fyrir Vetrarólympíuleikana í Tesero á Ítalíu í febrúar. Undirbúningur gengur vel og Dagur búinn að sýna mikla elju og þrautseigju við æfingar. Framundan er nóg að gera hjá bæði Degi og Ástmari. Dagur keppnir á alþjóðlegu móti í Boden í Svíþjóð en þá mun Ástmar keppa í Gålå í Noregi um næstu helgi. 

Hægt er að fylgjast með þeim Degi og Ástmari á instagram og birti Dagur þetta myndband eftir síðustu helgi: Instagram 
@da9ur
@astmarhelgi