Aðalfundur styrktarsjóðsins Framfarar

Hér er fundarboð fyrir aðalfund styrktarsjóðsins Framfarar. 

" Aðalfundur styrktarsjóðsins Framfarar verður haldinn rafrænt á Zoom þriðjudaginn 10.júní kl. 20:00

Dagskrá fundarins:

1. Skýrsla stjórnar

2. Reikningar félagsins

3. Umræður um reikninga félagsins

4. Lagabreytingar

5. Kosning nýrrar stjórnar

6. Umsókn styrkja

7. Önnur mál

Linkur á fundinn:

Bestu kveðjur Einar "

Við ætlum einnig að halda staðfund á Ísafirði á skrifstofu Háafells á efstu hæðinni í Neista. Vonumst til að sjá sem flesta. 

Fréttir frá Aðalfundi SFÍ

Aðalfundur SFÍ var haldinn þann 5. maí s.l í Skíðaskálanum Tungudal. Mjög góð mæting var á fundinn og margar góðar umræður.  Þær breytingar urðu á stjórn að úr stjórn gengu Sigríður Lára Gunnlaugsdóttir ritari og Ingibjörg Heba Halldórsdóttir varamaður og eru þeim færðar kærar þakkir fyrir þeirra ómetanlega vinnuframlag sem þær hafa fært í þágu SFÍ. 

Ný stjórn SFÍ var samþykkt samhljóða en í stjórn SFÍ eru núna:

Elena Dís Víðisdóttir – Formaður 

Ásgerður Þorleifsdóttir  

Jóna Dagbjört Pétursdóttir 

Jóhanna Fylkisdóttir 

Ingibjörg Elín Magnúsdóttir 

Varamenn 

Vignir Örn Pálsson 

Dóra Hlín Gísladóttir 

Aðalfundargerð, ársskýrsla og ársreikningur fyrir árið 2024 eru að finna hér á síðunni undir SFÍ - fundargerðir og ársreikningar.

Aðalfundur SFÍ 2025

Aðalfundur SFÍ verður haldinn mánudaginn 5. maí klukkan 20.00 í skíðaskálanum í Tungudal. 

Dagskrá fundarins er eftirfarandi:
1. Skýrsla stjórnar
2. Stjórn leggur fram skoðaða reikninga félagsins.
3. Umræður um skýrslu og reikninga.
4. Lagabreytingar
5. Kosning stjórnar fyrir næsta starfsár
6. Önnur mál

Hvetjum alla til að mæta! 

Skíðablaðið 2025

Skíðablaðið 2025 er komið út og ætti að vera búið að dreifa í öll hús og á svona helstu áningastöðum fólks yfir páska eins og verslunum og sjoppum. Eining er hægt að lesa blaðið á heimasíðunni okkar snjor.is en þar er líka að finna eldri útgáfur blaðiðs.

Ritstjórnin ár voru þau Heimir Hansson, Jóhanna Oddsdóttir, Sigríður Lára Gunnlaugsdóttir, Gylfi Ólafsson, Arnheiður Steinþórsdóttir og Þórdís Lilja Jensdóttir.

Stjórn SFÍ vil þakka ritsjórn fyrir glæsilegt og vel unnið skíðablað. Það er augljóst að mikill metnaður, fagmennska og ástríða fyrir skíðaíþróttinni liggur að baki hverri síðu.

Blaðið endurspeglar ekki aðeins öflugt starf félagsins heldur einnig þann kraft og samhug sem einkennir skíðamenninguna á Ísafirði. Skíðablaðið er fastur liður í Skíðavikunni og er orðin mikilvæg heimild um starfsemi félagsins, einstaklingana sem að félaginu standa, og þá menningu sem hefur mótað skíðalíf á Ísafirði í gegnum árin. Hver útgáfa er skjalfesting á atburðum, sigrum, baráttu og samfélaginu sem stendur að baki og er verðmætur fjarsjóður hemilda fyrir okkur og komandi kynslóðir.

Við þökkum kærlega fyrir ykkar óeigingjarna framlag og hlökkum strax til næsta tölublaðs!

UMÍ á Akureyri

« 1 af 10 »

Unglingameistaramót Íslands fór fram í Hlíðarfjalli um helgina. Veðurblíðan lék við okkur alla helgina en aðstæður í brekkunum voru krefjandi. Til stóð að UMÍ skildi haldið hér á Ísafirði og mikil eftirvænting hjá okkar fólki en vegna snjóleysis þurfti að færa mótið með skömmum fyrirvara.

Skíðafélag Ísfirðinga átti 4 flotta keppendur þau Auðunn Darra, Kristínu Eik, Auði Ýr og Katrín Dalíu. Á fyrsta keppnisdegi var keppt í stórsvigi. Krakkarnir stóðu sig allir mjög vel þrátt fyrir mikinn hita og krefjandi aðstæður. Það var gaman að sjá framfarinar sem hafa átt sér stað hjá þeim í vetur, en þau eru flest að stíga sín fyrstu skref á bikarmótum SKÍ.

Á öðrum keppnisdegi var keppt í svigi. Dagurinn var krefjandi sökum aðstæðna, snjórinn var blauttur enda mikill hiti. Það endaði því þannig að rúmlega helmingur keppenda datt úr leik þann dag og var tölfærðin svipuð hjá okkar keppendum. Þau skíðuðu þó öll vel þrátt fyrir það og mega vera stolt af sér!

Á þriðja degi var keppt í samhliðasvigi. Samhliðasvig er æsispennandi og áhorfendavænt. Þar keppa tveir keppendur á sama tíma í samhliða brautum og sá sem er á undan kemst áfram í næstu umferð. Ótrúlega skemmtileg og öðruvísi keppni! Hópurinn lét sér ekki leiðast á kvöldin og fóru út að borða, á mótsetningu, verðlaunaafhendingu og mættum í bingó á vegum Skíðafélags Akureyrar þar sem Kristín og Auðunn unnu bæði flott gjafakort.

Í heildinna var þetta frábær ferð og krakkarnir koma reynslunni ríkari heim.

Úrslit frá UMÍ er að finna hér https://mot.ski.is/vidburdur/422 

Úrslit úr bikarkeppni vetursins er að finna hér https://mot.ski.is/motarod/12