Skíðavertíðin að hefjast hægt og rólega!

Nú fara æfingar að komast í nokkuð fastar skorður miðað við það magn af snjó sem við höfum núna.  Það vantar enn töluverðan snjó en þó er hægt að fara á gönguskíði á litlu svæði á Seljalandsdal og vonum við að sá snjór sem er kominn haldi sér. 

Allar æfingar og skipulag er uppfært í ABLER og ættu þeir krakkar sem æfa skíði að vera skráðir í sinn hóp. Hér fyrir neðan eru upplýsingar um hvern og einn hóp og skráningalinkur SFÍ í Abler er að finna hér.  Mikilvægt er að skrá krakkana til að vera í hóp á Abler.

En ath þessar upplýsingar miðast við daginn í dag 14/1 og breytist þetta hratt og því mikilvægt að fylgjast með tilkynningum þjálfara í Abler.

Skíðaganga.

Guli hópur: Krakkar í 1-4 bekk.  Íþróttaskólinn hóf göngu sína í gær, 13.janúar með fyrstu æfingunni á Seljalandsdal. Æfingar eru á þriðjudögum og fimmtugögum kl 17:00.  Börn eru skráð hjá Íþróttaskóla Ísafjarðarbæjar hér.

Blái hópur: Krakkar í 5-6 bekk og krakkar úr 4 bekk sem hafa æft gönguskíði. Þessir krakkar hafa verið á styrktar og línuskauta æfingum meðan beðið hefur verið eftir snjónum. Æfingar eru sameiginlegar með alpa og brettakrökkum.

Austurvegur mánudaga og miðvikudaga kl 18:00
Seljalandsdalur fimmtudaga kl 17:00.

En ath þetta er fljótt að breytast og mikilvægt að vera skráður í Abbler og fylgjast með tilkynningum þjálfara þar.

Alpagreinar.

Því miður komumst við ekki enn á snjó og eru styrktaræfingar í boði fyrir krakka í alpagreinum í 5.bekk og uppúr en alveg óljóst hvenær æfingar fyrir yngsta stig, 1.-4. bekk hefjast. Allar upplýsingar um styrktaræfingar eru í Abler.

Svarti hópur:
Æfingarnar eru í Stöðinni á eftirfarandi tímum: 

Skíðafélag Ísfirðinga endurnýjar styrktarsamninga

Við undirritun samnings með Nanný Örnu framkvæmdastjóra Borea Adventures

Skíðafélag Ísfirðinga er í þeirri vinnu núna þessa dagana að endurnýja styrktarsamninga við sína traustu samstarfsaðila. Þessir samningar skipta félagið gríðarlega miklu máli, þar sem þeir tryggja áframhaldandi uppbyggingu félagsins og gerir félaginu kleift að halda úti metnaðarfullri starfsemi, bæta aðstöðu og efla skíðamenningu á svæðinu.

Þrátt fyrir frábæra sjálfboðaliða sem leggja til ómetanlegt starf á hverju ári, væri félagið ekki í stakk búið til að halda úti metnaðarfullri starfsemi án stuðnings styrktaraðila og erum við afar þakklát fyrir traust og stuðning fyrirtækjanna sem standa með okkur.

Fyrst til að endurnýja styrktarsamninginn var Borea Adventures og þökkum við þeim kærlega fyrir.

Tveir Ísfirðingar valdir í FIS kamp í Oberstdorf

« 1 af 3 »

Skíðasamband Íslands hefur sent frá Ísland þrjá fulltrúa á FIS Skíðagöngu kamp í Oberstdorf í Þýskalandi dagana 7.–14. desember  en allir fulltrúarnir koma úr Skíðafélagi Ísfirðinga, sem heiður fyrir okkar fólk hér á Ísafirði.

Valin voru ungir efnilegir skíðagönguiðkendur félagsins þau Eyþór Freyr Árnason og María Sif Hlynsdóttir.  Með þeim fer þjálfarinn Gunnar Bjarni Guðmundsson, einnig úr Skíðafélagi Ísfirðinga, sem leiðir hópinn í kampinum.

FIS kampar eru mikilvægur þáttur í uppbyggingu framtíðarskíðafólks og veita þátttakendum tækifæri til að æfa við toppaðstæður, fá faglega leiðsögn og æfa með jafnöldrum frá fjölda landa. Kampurinn fer fram á einum þekktasta æfingastað Evrópu, Oberstdorf, þar sem verður lögð áhersla á tæknivinnu, hraða- og þolþjálfun, fræðslu og alhliða þróun ungra skíðamanna. Þátttakendur æfa undir leiðsögn sérfræðinga FIS þar sem bæði iðkendur og þjálfari frá SFÍ fá góða þjálfun og koma heim reynslunni ríkari.

Dagur í heimsbikar!

Dagur Benediktsson frá Skíðafélagi Ísfirðinga mun keppa á morgun í fyrsta sinn á heimsbikarmóti sem fer fram í Þrándheimi í Noregi.  

Þetta er stór stund fyrir Ísland og Dag og skíðagöngu á Íslandi en fáir íslendingar hafa áður keppt á þessu hæsta stigi í greininni.

Dagur hefur átt frábæra byrjun á tímabilinu og verður virkilega spennandi að fylgjast með honum á morgun og á sunnudaginn.  Í samtali við SKÍ segist Dagur ætla að halda í fyrsta hóp til þess að byrja með og finna síðan sitt flæði. Gefa allt í göngurnar! 

Dagskrá mótsins í Þrándheimi 6.-7.desember og hægt er að fylgjast með á NRK1 og EuroSport.

• Laugardagur 6. desember:
  10:10 – 20 km skiptiganga (karlar)
  12:00 – 20 km skiptiganga (konur)
• Sunnudagur 7. desember:
  08:30 – 10 km frjáls aðferð (konur)
  10:55 – 10 km frjáls aðferð (karlar)

Einnig er hægt að fylgjast með live timing hér: FIS | Trondheim (NOR) - Event Details - Coop FIS Cross-Country World Cup og horfa í beinni hér: Cross-Country - International Ski & Snowboard Federation

Áfram Dagur! 

Dagur að toppa sig!

Keppnishelgin sem er að líða!

Dagur Benediktsson  SFÍ sem er í A-landsliðinu keppti á sænska bikarmótijnu í Boden. Hann átti þar aldeilis frábæran dag og hafnaði í 24.sæti og aðeins 18 sekúndum frá sigurvegaranum. Þetta er besti árangur Dags hingað til og gefur honum bestu punkta ferilsins eða 62.62 FIS punkta.  Hann mun þar að leiðandi færast ofar á heimslistanum. Skíðafélagið óskar Degi innilega til hamingu með frábæran árangur! 

Dagur hefur átt mjög góða byrjun á tímabilinu og greinilega haldið rétt á spilunum á undirbúningstímabilinu og lagt allt undir. Fólk hefur haft orð á metnaðinum og eljunni hjá honum á æfingum þar sem hann æfir t.d mikið einn á sumrin. Í samtali við Skíðasamband Íslands segir Dagur " Planið var að vera sókndjarfur og sjá hvert það myndi leiða. Skíðin voru ágæt en ekki þau bestu sem gerir árangurinn í raun enn sætari".

Við áttum líka fulltrúa á norska bikarmótinu í GÅLÅ en þar kepptu bæði Grétar Smári Samúelsson og Ástmar Helgi Kristinsson. Grétar Smári er í afrekshóp SKÍ og Ástmar Helgi í B-landsliði. Ásamt þeim kepptu einnig þar Kristún Guðnadóttir, Hjalti Böðvarsson og María Kristín Ólafsdóttir frá Ulli í Reykjavík og  Einar Árni Gíslason og Ævar Freyr Valbjörnsson sem keppa fyrir Skíðafélag Akureyrar.

Ísfirðingurinn Arna Sigríður Albertsdóttir var einnig að keppa í flokki hreyfihamlaðra í GÅLÅ og virkilega gaman að sá hana á skíðunum. Hún stefnir á að vinna sér inn sæti á Ólympíuleikum fatlaðra í Cortina á Ítalíu og við höldum að sjálfsögðu með henni!