Fyrri degi þorramóts lokið

Lokið er keppni í tveimur stórsvigum Þorramóts. Aðstæður voru góðar gekk keppni vel fyrir sig og lauk henni kl 16.00. Úrslit mótanna má sjá hér.

Þorramót, bikarmót SKI í alpagreinum

Á laugardaginn 15. febrúar hefst bikarmót SKI, s.k. Þorramót í alpageinum í Tungudal. Mótið er fyrir iðkendur 16. ára og eldri og verður keppt í tveimur stórsvigum á laugardag og einu svigi á sunnudaginn. Keppni hefst báða daga kl. 10.00 og verður keppt í Háubrún sem er bakkinn beint ofan skíðaskála í Tungudal og því afar skemmtilegt og auðvelt að fylgjast með keppni. Dagskrá mótsins má sjá hér.

Frestun Púkamóts Íslandsbanka

Vegna slæmrar veðurspár hefur Púkamóti Íslandsbanka verið frestað til laugardagsins 22. febrúar. Verður dagskrá mótsins með sama sniði og veður vonandi gott.

Púkamót Íslandsbanka á skíðum

Púkamót Íslandsbanka á skíðum verður haldið næstkomandi laugardag. Keppt verður bæði í göngu og í alpagreinum. Mótið er fyrir Íþróttaskóla HSV og iðkendur Skíðafélagsins upp að 13 ára aldri. Allt verður mótið með léttu yfirbragði, leikjabrautir og sprell. Keppni hefst í alpagreinum í Tungudal kl 11.00 fyrir börn í Íþróttaskóla og kl 13.00 fyrir eldri krakka. Á Seljalandsdal mun gangan hefjast kl. 12.00.

Að móti loknu mun Íslandsbanki bjóða öllum þátttakendum frítt í bíó.

LS mótinu frestað

LS mótinu sem áætlað var að færi fram miðvikudaginn 5/2 er frestað um óákveðinn tíma. Við komum með nýja tímasetningu fljótlega