SFÍ gangan á miðvikudag

SFÍ gangan fer fram á miðvikudaginn kemur, 29. janúar. Keppt verður með hefðbundinni aðferð í öllum aldursflokkum. Mótið hefst kl. 18:00 og verða aldursflokkar 11 ára og yngri kláraðir fyrst. Strax þar á eftir klárum við flokka 12- 15 ára og loks 16 ára og eldri. Skráning fer fram á staðnum og er fólk beðið að mæta tímanlega.

Aldursflokkar og vegalengdir verða sem hér segir:

7 ára og yngri      (u.þ.b. 600 m)

8-9 ára                (u.þ.b. 800 m)

10-11 ára             (1,5 km)

12-13 ára             (2,5 km)

14-15 ára             (3,75 km)

16-17 ára             (7,5 km)

18-34 ára             (7,5 km)

35-49 ára             (7,5 km)

50+                     (7,5 km)

ATH að ekki er viðhöfð tímataka í flokkum 9 ára og yngri, þ.e.a.s. hjá krökkum í íþróttaskóla HSV.

Sjoppuvaktir

Þá eru það helgarvaktirnar í sjoppuni. Sólrún ætlar að taka það að sér að skrá inn á sjoppuvaktir. Fyrstur kemur fyrstur fær. Hún telur að það sé best að hafa viðveru frá 11- 15 vegna þess að annars er erfitt að setja fólk inn í starfið. Verið nú endilega dugleg að skrá ykkur því annars fáið þið upphringingu frá mér (Jóhanna) eða verðið sett á einhvern dag.

Síminn hjá Sólrúnu er 861-5260 og netfangið er solrun@snerpa.is .

Þið þurfið ekki að mikla þetta fyrir ykkur. Þetta er ekki leiðinlegt og þegar allt kemur til alls er einn dagur ekkert mál.

Kv Jóhanna

Foreldrafundur

Foreldrafundur verður haldin mánudagskvöld 20. janúar kl. 20.00 í skíðaskálanum í Tungudal. Á dagskrá eru mál er varða störf Andrésarnefndar. Einnig verða tæpt á rekstri sjoppu í skíðaskála og síðast en ekki síst væntanlega sameiginlega gistihelgi 9-12 ára alpa- og göngukrakka í skíðaskálanum.

Alþjóðlegi snjódagurinn

Á morgun sunnudaginn 19. janúar er alþjóðlegi snjódagurinn svokallaði. Dagurinn er haldinn að undirlagi alþjóða skíðasambandsins, FIS og er haldinn hátíðlegur um allan heim. Skíðasvæði Ísfirðinga tekur myndarlega þátt og hefur undirbúið allar brekkur vandlega, sett upp brettabraut og bíður upp á smá veitingar einnig. Í Tungudal verður síðan opnuð s.k. Latabæjarbraut fyrir yngstu kynslóðina. Allir á skíði á morgun!

Bikarmót í göngu - úrslit

Bikarmót í göngu er nú í fullum gangi á Seljalandsdal og er keppni lokið á laugardegi þegar þetta er ritað. Keppni hefur gengið afar vel báða dagana og glæsileg tilþrif verið sýnd.

Úrslit þessara tveggja daga er hægt að nálgast hér.

Á morgun, sunnudag, verður keppni svo lokið með keppni í frjálsri aðferð þar sem gengnir eru 3,3 km. (aldursflokkar 12-13 ára), 3,75 km. (14-15 ára), 5 km. (16-17 ára), 7,5 km. (konur 18+) og 10 km. (karlar 18+).