Fréttir

Lokahóf

30. maí 2013

Lokahóf SFÍ verður haldið í Tungudal, við skíðaskálann þann 4. júní. Mæting er klukkan 18:15.

 

Grillaðar verða pylsur og farið í leiki.

 

Stjórnin

Nánar

Aðalfundur SFÍ

30. maí 2013

Aðalfundur SFÍ verður haldinn klukkan 20:00 þann 3. júní nk. Fundarstaður er skíðaskálinn í Tungudal.

Dagskrá:

1. Skýrsla stjórnar

2. Skýrslur nefnda

3. Rekstur félagsins

4. Kosning stjórnar

5. önnur mál.

 

Hvetjum alla til að mæta.

Nánar

Aðalfundur

6. maí 2013

Aðalfundur Skíðafélags Ísfirðinga er fyrirhugaður þann 3. júní nk. Vinsamlegast takið seinnipartinn frá.

Frekari upplýsingar um dagskrá og fundarstað verða kynnt fljótlega.

 

Jafnframt mun lokahóf félagsins verða tilkynnt um leið og hagstæð veðurspá fyrir útiveru verður sýnileg.

 

 

Nánar

Ársgeirsmót í svigi á sunnudag

18. apríl 2013 Hjalti Karlsson

Nú styttist óðum í lok vertíðar alpagreinafólks. Ásgeirsmót í svigi verður haldið á sunnudaginn næstkomandi og verður það síðasta heimamót vetrarins. Mótið fór fyrst fram 1967 og var mótshaldari hið fornfræga íþróttafélag Reynir í Hnífsdal. Mótið er haldið til minningar um Ásgeir Kristján Karlsson skipstjóra frá Hnífsdal sem fórst með m/b Svani í desember 1966. 

Nánar

SMÍ 2013: Keppni lokið

7. apríl 2013 Albertína Friðbjörg Elíasdóttir
Þá er keppni lokið á Skíðamóti Íslands 2013 með keppni í samhliðasvigi og boðgöngu.  Keppni í báðum greinum reyndist æsispennandi og munaði oft litlu aðeins sekúndubrotum manna á milli. Aðstæður á Dölunum tveimur voru eins og þær gerast bestar, glampandi sól og heiðskýrt og stafalogn. Það má því óhikað segja að Ísafjörður kveðji keppendur með því að skarta sínu fegursta.

Keppni í samhliðasvigi karla fór svo:
1. Magnús Finnsson, Skíðafélag Akureyrar
2. Einar Kristinn Kristgeirsson, Skíðafélag Akureyrar
3. Arnar Geir Ísaksson, Skíðafélag Akureyrar
Í samhliðasvigi kvenna urðu úrslit eftirfarandi:
1. Helga María Vilhjálmsdóttir, Skíðaráð Reykjavíkur
2. María Guðmundsdóttir, Skíðafélag Akureyrar
3. Freydís Halla Einarsdóttir, Skíðaráð Reykjavíkur
Í boðgöngunni voru Ísfirðingar sigursælir en í boðgöngu kvenna (3x3,75km) urðu úrslit eftirfarandi:
1. SFÍ A - Stella Hjaltadóttir, Hólmfríður Vala Svavarsdóttir og Guðbjörg Rós Sigurðardóttir, 00:35:50
2. SFÍ B - Silja Rán Guðmundsdóttir, Katrín Árnadóttir og Elena Dís Víðisdóttir, 00:35:51
3. SFÍ C - Jóhanna Oddsdóttir, Arna Kristbjörnsdóttir og Sólveig María Aspelund, 00:42:04
Í boðgöngu karla (3x7,5km) voru það fulltrúar Skíðafélags Akureyrar sem komu sterkir inn:
1. SKA A - Brynjar Leó Kristinsson, Gísli Einar Árnason og Vadim Gusex; 00:59:52
2. SKA B - Ragnar G. Sigurgeirsson, Sindri Freyr Kristinsson og Ólafur Björnsson, 01:04:37
3. SFÍ A - Þröstur Jóhannesson, Kristbjörn R. Sigurjónsson og Daníel Jakobsson, 01:05:21
 
Skíðafélag Ísfirðinga þakkar öllum þem sem komu að undirbúningi og þátttöku í mótinu og hvetur alla til að nýta sér góða veðrið og skella sér á skíði.
Nánar

Styrktaraðilar