Skíðagöngunefnd Skíðasambands Íslands hefur valið sjö einstaklinga til þátttöku í verkefni á vegum sambandsins helgina 18.-19. febrúar n.k. Um er að ræða Team Sportia Cup (Fis Junior Tävling) sem haldin verður í Ulrichamn í Svíþjóð. Skíðafélag Ísfirðinga á tvo fulltrúa í hópnum en það eru þau Elena Dís Víðisdóttir og Hákon Jónsson. SFÍ óskar þeim góðrar ferðar og góðs gengis.
NánarLaugardaginn 11. febrúar fór fram bikarmót 13-14 ára í Bláfjöllum. Bestum árangri Ísfirðinganna náði Helga Þórdís Björnsdóttir þegar hún varð í 3. sæti í svigi.
NánarSkíðakonan efnilega, Thelma Rut Jóhannsdóttir, núverandi íþróttamaður Ísafjarðarbæjar er á leiðinni á heimsmeistaramót unglinga sem fram fer í Roccaraso á Ítalíu í lok febrúar. Áður en hún heldur þangað kemur hún við í Noregi og keppir á nokkrum mótum. SFÍ óskar Thelmu Rut góðrar ferðar og góðs gengis.
NánarVestfjaraðmót í skíðagöngu í lengri vegalengdum fór fram á Seljalandsdal í dag. Veður var ágætt. Hiti rétt yfir frostmarki. Nægur snjór er á svæðinu. Allir gengu sama hringinn, sumir oftar en einu sinni,en hringurinn var um 10 km langur. Besta hringtímanum náði Guðmundur Bjarnason en hann keppir 13 - 14 ára flokki. 31mín og 50 sek. Úrslit eru komin á vefinn undir Ganga 2012 hér á síðunni.
NánarFyrsta skíðagöngumót ársins hér á Ísafirði fór fram á þriðjudaginn var. Eins og venjulega hófum við veturinn á boðgöngu þar sem allir kepptu saman óháð aldri eða kyni. Dregið var í sveitir og voru vegalengdir á hverjum spretti aðlagaðar reynslu og getu skíðafólksins, enda var keppnin sjálf ekki aðal markmiðið, heldur einfaldlega að eiga saman skemmtilega stund á Seljalandsdal. Það er óhætt að segja að keppnistímabilið hafi farið frábærlega af stað hjá okkur, því alger sprenging varð í þátttöku í þessari boðgöngu. Hingað til hefur það þótt fín þátttaka að ná í 7-9 sveitir, en í þetta skiptið urðu þær hvorki fleiri né færri en 18, enda jaðraði oft við umferðarteppu á marksvæðinu. Öllum tókst þó að klára og að göngunni lokinni komu allir saman inni í skála og nutu veitinga af myndarlegu kökuhlaðborði sem þátttakendur sjálfir útbjuggu. Tímataka var ekki viðhöfð í þessu móti, en listi með röð sveitanna verður birtur hér á úrslitasíðunni á allra næstu dögum.
Nánar