Skíðaæfingar alpagreina

Skíðasvæðið í Tungudal opnar föstudaginn 30. nóvember kl 15.30 og verður frítt í lyftur þann dag, eftir það verður rukkað inn á svæðið. Þar sem elstu iðkendur félagsins (15 ára og eldri) eru á leið til Noregs í æfinfgaferð þá munu iðkendur 13-14 ára æfa með 10-12 ára hópnum fyrst um sinn.

Þjálfari 10-12 ára í vetur verður Gauti Geirsson en hann þjálfaði einnig sama hóp síðastliðin vetur. Æingar munu hefjast strax fyrsta dag og eru frá 16:30-18:30 og svo verða æfingar á laugardag og sunnudag frá 11:00-13:00. Stefnt er að æfingum hjá þessum hóp 5 sinnum í viku .

Æfingar íþróttaskóla HSV í alpagreinum (1.- 4. bekkur) munu svo hefjast strax eftir helgi og verða nánari upplýsingar um æfingartíma hjá þeim settar hér inn og einnig sent foreldrum í gegnum vefpóstkerfi íþróttaskólans. Þjálfarar alpagreina íþróttaskólans verða Fanney Pálsdóttir, Hafrún Jakobsdóttir og Anton helgi Guðjónsson.

Alpanefndin hvetur því alla að fara nú í geymsluna og dusta rykið af skíðunum og bregða sér í Tungudalinn.

Alpanefnd SFÍ

Skiptimarkaður

Hinn árlegi skiptimarkaður Skíðafélagsins, verður nú haldinn laugardaginn 1. desember.

Markaðurinn verður á 1. hæð Stjónsýsluhússins í húsnæði Íslandsbanka (þar sem Símabúðin var áður).

Tekið verður við búnaði frá klukkan 11 um morguninn en markaðurinn hefst svo klukkan 12. Opið verður til klukkan 16.

Viljum benda á að markaðurinn er þennan eina dag og hvetjum því alla til að kíkja yfir búnaðinn sinn og meta hvað þarf að skipta út fyrir komandi vertíð.

Haustæfingar og æfingagjöld

Á skíðum skemmti ég mér. Mynd: Benedikt Hermannsson

Haustæfingar hafa nú staðið yfir í allt haust. Þjálfarar eru þær Hólmfríður Vala Svavarsdóttir og Sigríður Lára Gunnlaugsdóttir.  Að auki þjálfar Kristján Flosason 13+ einu sinni í viku.

Vala þjálfar 10 - 12 ára og 13+ í göngu en Sigga Lára þjálfar 13+ alpa.

Æfingatímar 10 - 12 ára eru sem hér segir:

Þriðjudaga 16:30 - 17:40

Fimmtudaga 16 - 17

Föstudaga 16:30 - 17:40

Allar æfingarnar eru í Íþróttahúsinu við Austurveg, en stundum byrja þær á útihlaupi.

Æfingatímar 13+ eru aðeins breytilegir og því gott að hafa samband við þjálfara ef þörf er á upplýsingum um næstu æfingu.

Stjórn SFÍ hefur ákveðið að hækka ekki æfingagjöldin í ár og því verða æfingagjöld haustannar sem hér segir:

10 - 12 ára 15.000 krónur

13+ 20.000 krónur.

Skíðaúlpur - tilkynning frá fatanefnd

Nú er komið að því að kaupa nýjar skíðaúlpur fyrir SFÍ.
Hægt er að fá að máta úlpurnar í skíðaskálanum í Tungudal miðvikudaginn 19. september 2012 kl. 17:00-18:30 og 20:00-21:00. Endilega mætið og mátið.

Fatanefndin.

Aðalfundur SFÍ 2012

Aðalfundur SFÍ var haldinn í skíðaskálanum Tungudal miðvikudaginn 23. maí.